Лидерот во Премиер лигата, Арсенал, направил изненадувачки потег и се обидел да го привлече халфот на Баерн Минхен, Леон Горецка, изненадувачки објавува “Дејли Мејл”.
“Топџиите” својот потег го направиле на крајот од јануарскиот трансфер период, но на крајот не дошло до договор. Идејата на Артета била да ангажира уште еден играч во средината на теренот кој ќе помогне во напорниот распоред на екипата. Пред некој ден лондонците се квалификуваа за финалето на Карабао купот, покрај тоа, водат во првенството и продолжуваат понатаму во Лигата на шампионите и ФА купот.
До кога ќе дишеме отровен воздух!? | Уште еден поткаст
Горецка беше меѓу водечките фудбалери на Баварците во текот на неколку сезони, но уште под водство на Томас Тухел, а подоцна и кај Венсан Компани, почесто почна да останува на клупата за резерви. Пред една недела самиот Горецка објави дека ќе ја напушти “Алијанц Арена” на крајот од сезоната. 31-годишниот играч пристигна во Бајерн од Шалке во 2018 година и за осум години со тимот освои шест титули на државата и трофејот во Лигата на шампионите во 2020 година.
Учество во игри на среќа е дозволено за лица со 18+ години. Играј одговорно!