ВИДЕО Педри, Јамал, Черки – Голови кои ги нарекоа „неверојатен“, „невиден“ и „најдобар“

Шпанија успеа да ја совлада Франција во полуфиналето на Лигата на нации со резултат 5:4 во занимлива средба во Штутгарт. Шпанците во финалниот меч ќе се соочат со Португалија. Единаесет минути пред крајот резултатот беше 5:1 во полза на Шпанија, но на крајот заврши со тесна победа. Првиот дел заврши со 2:0 за Шпанија, благодарение на брзите голови на Нико Вилијамс во 22-та минута и убавата завршница на Микел Мерино само три минути подоцна.

Спектакл што ќе се памети

Играта продолжи со пенал за Шпанија во 54-та минута, кој мајсторски го реализираше Јамал. Веќе во следната минута, Педри постигна уште еден гол за фантастични 4:0. Изгледаше дека Франција е без шанси, но тие не се предаваа. По добивање на пенал во 59-та минута, Мбапе намали дел од предноста на Шпанците. Јамал не го заврши своето шоу, постигнал уште еден гол за 5:1 во 67-та минута, оставајќи многумина да мислат дека Французите се веќе отпишани.

Раjан Черки својот прв настап за Франција го крунисува најубаво, забележувајќи импресивен гол од 20 метри во 78-та минута, намалувајќи го водството на 5:2. Шест минути потоа уследи автогол од Вивиен, враќајќи го францускиот тим во игра.

Французите не се откажаа и продолжија со притисок до крајот. Во третата минута од надополнувањето, Коло Муани, благодарение на феноменален пас од Черки, постигна четврти гол и донесе нова надеж за својот тим. Сепак, нивното враќање остана недоволно, мечот заврши 5:4, за пласман Шпанија во финалето.

Три прекрасни голови

Од вкупно деветете гола, три станаа вирални. Педри го постигна феноменалниот погодок за 4:0, кој “АС” го опишува како навистина вонреден, впечатлив и без преседан. Играта и завршницата добија пофалби дека се неверојатни. Исто така, Јамал постигна гол за 5:1, што истото списание го опишува како чудо, особено поради недостигот од простор за шут.

На крајот, голот на Черки што го вбројат за „гол на сезоната во Лигата на нации“, е прикажан како кандидат за нешто повеќе. Сите голови може да ги видите ОВДЕ.