Вембанјама е џин, а за време на одморот и уште пораснал!

Виктор Вембанјама продолжува да расте. Не, не е шега.

Имено, мерењата пред почетокот на сезоната покажале дека пораснал за два сантиметри во одннос на минатата сезона и сега е на два метри и 26 сантиметри.

Тренерот на Спарс потврди дека Вембанјама добил зелено светло да игра и дека проблемот со повредата на рамото е зад младиот Французин.

„Толку многу работа вложив во моето тело, што веќе нема простор за друг напредок. Може да се напредува само до одредена мера, но мислам дека го достигнав максимумот што е можен помеѓу две сезони. Сега ми треба да играм кошарка“, изјави Вембањама.

Пред да се повреди во февруари, Вембанјама минатата сезона одигра 46 натпревари, и во просек бележеше 24,3 поени со 11 скока и 3,8 блокади.

Процентот на успешност од игра му беше 47,6 проценти и 35,2 проценти за три поени.