Вчера беше срушен неславен рекорд во ЛШ стар повеќе од две децении

Фудбалерите на Карабах ќе ја паметат оваа сезона од Лигата на шампионите по историскиот успех и неславниот рекорд кој го поставија.

Во само нивното второ учество во ова престижно натпреварување, тие станаа првиот клуб од Азербејџан кој успеал да ја помине првата фаза.. Меѓутоа, по поразот од 3:2 на гостување кај Њукасл, станаа и тимот со најмногу примени голови во една сезона во Лигата на шампионите.

Азербејџанскиот состав, вклучувајќи ја и реванш-натпреварот од осминафиналната фаза на плејофот, примил вкупно 30 голови во десет одиграни натпревари, што прави точно три голови по натпревар.

Најголем број голови против нив постигнаа Њукасл, дури девет во два натпревари, бидејќи првиот меч го добија со резултат 6:1. Ливерпул исто така даде значителен придонес во негативната статистика, победувајќи го Карабак со 6:0 во последниот натпревар од групната фаза.

Со ова Карабах го собори претходниот рекорд на Баер Леверкузен, поставен во сезоната 2001/2002 кога примија 28 голови. Сепак, германскиот клуб тогаш одигра целокупно 17 натпревари на пат до финалето, каде што беа поразени од Реал Мадрид.

На листата на тимови со многу примени голови се наоѓаат и РБ Салцбург и Слован Братислава, кои во сезоната 2024/2025 примија по 27 голови во осум натпревари. Во истата сезона, Феенорд прими 26 голови во 12 настапи.