Најтрофејниот македонски фудбалски клуб Вардар ги започна подготовките за вториот дел од сезоната во Првата македонска фудбалска лига, каде што тимот го очекуваат две големи задачи – да обезбеди опстанок во елитното друштво и да се бори за престижниот трофеј во Купот на Македонија.
Во изминатите денови, „црвено-црните“ значително го освежија својот состав со неколку нови засилувања.
Данска vs. Македонија: Како тие се справуваат со отпадот, додека ние се расправаме кој е крив?
„Нашите очекувања за претстојниот период се големи. Главната цел ни е да обезбедиме стабилна позиција на табелата, но истовремено се фокусираме и на успехот во Купот на Македонија,“ изјави голманот Давор Талески. „На секој натпревар ќе влегуваме со највисока мотивација и амбиција за победа.“
Новиот член на тимот, Едиз Спахиу, истакна дека борбата за опстанок и за Купот се подеднакво важни. „Верувам дека ќе успееме да го задржиме статусот на прволигаши, а истовремено да ја завршиме сезоната со голем успех – освојување на Купот. Се надевам дека нашата работа и посветеност ќе дадат резултати,“ рече Спахиу.
Сличен оптимизам сподели и Михал Пинтер, кој најави дека ќе даде сè од себе за да го оправда својот трансфер во Вардар. „Целта е јасна – опстанок во лигата како приоритет, а потоа и трофејот во Купот. Подготвен сум максимално да се вложам за успехот на тимот,“ подвлече Пинтер.
Учество во игри на среќа е дозволено за лица со 18+ години. Играј одговорно!