Актуелниот шампион Пелистер стигна до нов трофеј откако во возбудлив натпревар го совлада големиот ривал Вардар со минимални 28-27 и го подигна пехарот во Суперкупот на Македонија.
Натпреварот, кој започна со мало доцнење, донесе вистински ракометен спектакл. Пелистер од самиот почеток влезе поагресивно и диктираше темпо сè до средината на првото полувреме, кога Вардар фати ритам и поведе со 10-6. „Црвено-црните“ ја контролираа играта и предноста ја одржуваа до завршните моменти од првото полувреме, но падот на концентрацијата им овозможи на битолчани да намалат на 12-13.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Во вториот дел, избраниците на Пелистер направија пресврт и поведоа со 15-14. Следеше израмнета борба, со постојана размена на голови, сè до последните десет минути кога Пелистер создаде залиха од четири разлика. Сепак, Вардар не се предаде – тајм-аутот на тренерот Чупиќ донесе резултат, па „црвено-црните“ успеаја да израмнат на 26-26.
Одлуката падна во драматичен финиш. Во последните секунди, Хосни се проби низ одбраната на Вардар и ја затресе мрежата за конечни 27-26, носејќи голема победа и нов трофеј за Пелистер.
Фото: РК Пелистер
Учество во игри на среќа е дозволено за лица со 18+ години. Играј одговорно!