Финалето на Купот на Македонија сезонава ќе понуди возбудлив дуел меѓу Вардар и Струга – две екипи кои со заслужени настапи си обезбедија пласман во завршницата на натпреварувањето.
Најтрофејниот македонски клуб, Вардар, одигра нерешено (1-1) на реваншот против Брера Струмица, но благодарение на убедливата победа од првиот натпревар (3-0), без проблеми обезбеди финале. Во реваншот, вардарци настапија со променет состав, што Брера го искористи и поведе со гол на Христијан Јанкулоски во 34. минута. Сепак, на стартот од второто полувреме, Михаил Талевски го постигна израмнувачкиот погодок, со што го постави и конечниот резултат.
Од семејна традиција до модерен бренд ↓↓↓
Од друга страна, Струга успеа да ја елиминира Шкендија по драматичен двомеч. На реваншот одигран пред домашна публика, стружани поведоа со погодок на Хоган уште во првото полувреме. Шкендија израмни во завршните минути по невнимание на домашната одбрана и лоша реакција на голманот по корнер. Сепак, конечните 1-1 беа доволни за Струга да обезбеди пласман во финалето, благодарение на победата од првиот натпревар (2-1).
Фото: Принтскрин
Учество во игри на среќа е дозволено за лица со 18+ години. Играј одговорно!