Вакво нешто ретко се гледа: Само што го продолжи договорот – заминува!

Според известувањата на Џанлука ди Марцио, Рафаеле Паладино поднел оставка од позицијата главен тренер на Фиорентина.

Необичен развој на настаните и чудна вест, имајќи на ум дека Паладино само пред неколку недели го продолжи договорот со Виола.

Други извори од Италија ја потврдуваат веста на Ди Марцио, наведувајќи дека клубот е изненаден од оставката и преку преговори се обидува да го убеди Паладино да се предомисли и да остане во клубот до 2027 година.

Во последно време во Италија „паѓаат“ треньерски „глави“ – од Гасперини, преку Ваноли и Барони, па до Контe и конечно до случајот со Паладино.

Фиорентина, под водство на Паладино, ја заврши сезоната во Серија А на шестото место.

Чекаме официјална потврда од клубот.