
Фудбалерите на Пари Сен Жермен ќе се појават на натпреварот за Суперкупот на Европа против Тотенхем на 13 август во Удине, без ниеден одржан подготовителен натпревар.
Ваквата одлука ја донесе тренерот на европскиот шампион Луис Енрике, кој им го продолжи одморот на своите играчи за уште два дена.
Од лозје до чаша: Уметноста на виното со Теодор Бојаџиев | Уште еден поткаст
ПСЖ ќе започне со тренинзите на 6 август и по само седум дена работа ќе добијат шанса да освојат првиот трофеј во новата сезона.
Очигледно е дека шпанскиот стратег ги наградува играчите за извонредните успеси од претходната сезона.
Парижаните успешно ја освоија Лигата на шампионите за првпат во својата историја, ги собраа сите домашни трофеи, а стигнаа и до финалето на Светскиот куп за клубови, каде неочекувано загубија од Челси.