Ваква форма во Фиренца не се памети, Каталди погоди за Бове (Видео)

Фудбалерите на Фиорентина го победија Каљари на својот „Артемио Франки“ со резултат 1:0 (1:0) во рамките на 15. коло од Серија А.

Неверојатна серија резултати за екипата на Рафаеле Паладина. Ова беше Осма последователна победа во Серија А, а истата беше посветена на Едоардо Бове, чиешто здравје сега е стабилно, но минатата недела колабираше на теренот за време на натпреварот против Интер.

Моментот на одлука се случи во 24. минута кога Данило Каталди одлично го отвори стопалото и погоди од работ на казнениот простор.

Ова не беше натпревар полн со шанси, Каљари имаше за нијанса поопасни прилики, но победата остана во Фиренца со што Фиорентина стигнува до дури 31. бод во сезоната и 4. позиција. Од друга страна, Каљари е на 15. место на табелата.