Уште еден чекор ги дели: Лидс и Барнли блиску до промоција во Премиерлигата

Лидерите во Чемпионшипот се израмнети на врвот со 91 бод, тимот од Јоркшир го пречекува Стоук со почеток од 16 часот, додека Барнли е домаќин на ривалот Шефилд Јунајтед на „Терф Мур“ од 18.30 часот.

Во Лидс сé е подготвено за прослава, но по минималната победа во Оксфорд од 1:0, тренерот Даниел Фарке ништо не препушта на случајот. Ги предупреди своите играчи дека не смее да има опуштање и дека ќе се слави само кога работата ќе биде завршена.

„Во оваа луда лига, веќе имав премногу натпревари за да знам дека може да се случат непредвидливи работи. Во добра форма сме, имаме победи една по друга во клучниот дел од сезоната, што е секако добро. Сепак, ништо уште не е завршено. Морате да се борите за секој поен“, вели Фарке.

Фото: Leeds/FB