Тројца професионални фудбалери беа убиени во Еквадор од почетокот на овој месец, пренесе Франс прес.
Последната жртва е Хонатан Гонзалес, кој беше застрелан заедно со уште едно лице, чиј идентитет сè уште не е утврден.
Кој ќе победи во Beer Pong - Лига на Шампиони
Гонзалес, на 31 година, беше фудбалер на второлигашкиот еквадорски тим „22 јули“. Претходно играше за елитните тимови „Олимпија“ од Парагвај и „Леон“ од Мексико.
Двојното убиство беше извршено во куќа во крајбрежната провинција Есмералдас, на најсеверозападниот дел од земјата. Регионот, кој граничи со Колумбија, станува сцена на судири меѓу нарко картелски банди.
На 10 септември во Еквадор беа убиени двајца фудбалери од друг второлигашки тим – „Ехапромо Коста“. Тие беа застрелани во југозападниот крајбрежен град Манта.
Според нивниот тим, двајцата биле косвени жртви, бидејќи не биле мета на напаѓачите.
Еквадор некогаш беше познат како безбедно место, иако земјата е сместена меѓу Колумбија и Перу – најголемите производители на кокаин во светот, забележува АФП. Постепено, меѓутоа, оваа јужноамериканска држава беше зафатена со насилство поврзано со нарко трговијата. Како резултат, бројот на убиствата во Еквадор драстично се зголеми од 6 на 100.000 жители во 2018 година до 47 во 2023 година, пред да се намали малку до 38 во 2024 година, откако претседателот Даниел Нобоа презеде низа мерки во обид да го спречи насилството.
Учество во игри на среќа е дозволено за лица со 18+ години. Играј одговорно!