Претседателот на Соединетите Американски Држави, Доналд Трамп, изјави дека е подготвен да ги премести натпреварите од Светското првенство по фудбал во 2026 година од одредени градови домаќини на други локации, доколку оцени дека безбедноста не е доволно загарантирана.
„Безбедноста ќе биде обезбедена за Светското првенство. Ако оценам дека во некои градови не е така, натпреварите ќе бидат префрлени во други градови“, изјави Трамп.
Исхрана, повреди и тренинг – совети од доктор по спортска медицина | Уште еден поткаст
Тој додаде дека нема да дозволи одржување на натпревари во места кои ќе се сметаат за и најмалку ризични.
– Ако мислиме дека некој град е дури и малку опасен за Светското првенство или Олимписките игри, особено за Светското првенство бидејќи се игра во толку многу градови, нема да дозволиме натпреварите да се одржат, туку ќе ги преместиме – рече Трамп.
Меѓу градовите домаќини се и упориштата на Демократската партија, како што се Лос Анџелес (8 натпревари), Сан Франциско (6) и Сиетл (6). Администрацијата на Трамп оваа година распореди Националната гарда во повеќе градови под демократска управа, вклучувајќи го и Лос Анџелес, и покрај спротивставувањето на локалните власти.
Учество во игри на среќа е дозволено за лица со 18+ години. Играј одговорно!