Арсенал моментално се наоѓа на врвот на Премиер лигата, а сè уште натпреваруваат во ФА Купот и Лигата на шампионите. Имаат и предност од девет бодови на табелата (со еден натпревар повеќе) од Манчестер сити, па изгледа дека би можеле да ја освојат титулата за првпат од 2004 година.
Сепак, клубот веќе размислува за следната сезона и сака дополнително да го засили тимот за време на летниот трансфер период.
Исхрана, повреди и тренинг – совети од доктор по спортска медицина | Уште еден поткаст
Се очекува дека неколку играчи ќе го напуштат клубот, па тренерот Микел Артета и спортскиот сектор ќе мораат да најдат адекватни замени. Меѓу потенцијалните заминувања се спомнуваат и некои важни имиња од екипата.
Според извештаите, Арсенал го следи младиот напаѓач Кристијан Кофане од Бајер Леверкузен. Деветнаесетгодишниот фудбалер остави добар впечаток, а за него се заинтересирани и други англиски клубови, како и Реал Мадрид.
Леверкузен е подготвен да размисли за продажба доколку пристигне понуда од околу 60-70 милиони евра, што значи дека Арсенал треба брзо да реагира поради конкуренцијата од другите клубови.
Кофане има само 19 години. Оваа сезона за Леверкузен играше на 39 натпревари, постигна седум голови и додаде осум асистенции.
Пред “фармацевтите” настапуваше за Албасете од каде што дојде во 2025 за пет милиони евра. Какво засилување за германскиот клуб.
Учество во игри на среќа е дозволено за лица со 18+ години. Играј одговорно!