Тони Надал, чичко и тренер на пензионираната легенда Рафаел Надал, и понатаму е поддржувач на револуција во клучниот дел од опремата во врвниот тенис, и ја изнесе својата идеја за намалување на големината на рекетот. Тоа би ја подобрило забавната вредност на спортот, за кој верува дека стана игра „кој посилно удира”.
“Многумина можеби не се согласуваат, но главниот проблем е што топката патува се побрзо и побрзо. Повредите не се предизвикани од бројот на одиграни мечеви, туку од интензитетот и силата на ударите. Тактички играчи како Федерико Корија или Гастон Гауди скоро исчезнаа”, рече Надал.
Данска vs. Македонија: Како тие се справуваат со отпадот, додека ние се расправаме кој е крив?
Тој предупреди дека модерниот тенис зависи од тоа кој посилно удира, а честите промени на правецот за да се пресретне топката и да се удри со полна сила му штетат на телото. Тоа, верува, е обично причина за повредите, и затоа помали рекети би биле добро решение.
„Во други спортови веќе ги променија правилата за да го зголемат доживувањето и да создадат спектакл. Имаме еволуција во фудбалот, постепен развој на тој спорт, кога по Светското првенство 1990 во Италија беа воведени правила кои, меѓу другото, забрануваа на голманите да ја фаќаат топката по додавање од соиграч со нога, врзуваа три бода за победа, што доведе до понападна игра, а црвени картони и исклучувања по два жолти картони. Тоа доведе до огромна еволуција на фудбалот, бидејќи порано, на пример, постојано можеше да се фаулира Марадона, без последици”, изјави Тони Надал.
Учество во игри на среќа е дозволено за лица со 18+ години. Играј одговорно!