Teжок удар за Реал: Познато колку ќе паузира Арнолд, Алонсо нема лев бек!

Трент Александар-Арнолд (27), десниот бек на Реал Мадрид и репрезентативец на Англија, мораше да го напушти теренот поради повреда на мускулите за време на натпреварот со Атлетик Билбао – Реал (0:3) во 19. коло на Ла Лига. Следниот ден, внатрешни извори од клубот објавија дека повредата е значајна и дека ТАА нема да настапува два месеца.

Ова е тежок удар за Реал, бидејќи останаа без никаков здрав десен бек на подолг период. Веќе претходно беше повреден Дани Карвахал, кој нема да се врати уште еден месец, а сега уште подолго ќе мораат без Александар-Арнолд. Со тоа десната страна ќе мора повторно да ја покрива играчот од средниот ред Феде Валверде.

Повредата на Александар-Арнолд дојде во најнеповолниот момент за него и за Реал. По почетната адаптација и повредата на тетивите на коленото, поради која пропушти шест натпревари, конечно се прилагоди на новите играчи и стана стартер во тимот.

Во почетниот состав играше четири последни натпревари, но сега сигурно ќе пропушти 11 натпревари, а можеби и еден повеќе. Тоа зависи од тоа дали Реал во јануари ќе го помине градскиот ривал Атлетико во полуфиналето на Суперкупот на Шпанија.

Александар-Арнолд пристигна во Реал летово од Ливерпул како слободен играч по долготрајни обиди на мадридскиот клуб да го доведе. Според проценките на Трансфермаркт, неговата вредност е 75 милиони евра.

Селта, Ла Лига

Манчестер Сити, Лига на шампиони

Алавес, Ла Лига

Севилја, Ла Лига

Бетис, Ла Лига

Атлетико Мадрид, Суперкуп на Шпанија*

Леванте, Ла Лига

Монако, Лига на шампиони

Виљареал, Ла Лига

Бенфика, Лига на шампиони

Рајо, Ла Лига

* ќе пропушти уште еден меч ако Реал влезе во финалето на Суперкупот