Битката за доминација во Лондон се приближува, а „топџиите“ се соочуваат со неочекувани проблеми поради повредите на двајца клучни играчи кои ги претрпеа за време на натпреварите со националните тимови.
Рикардо Калафиори и Габриел се враќаат во англиската престолнина порано од планираното поради непосакувани причини. Тие се повредија додека настапуваа за своите репрезентации, што значително ќе влијае на одбранбениот ѕид кој вообичаено го чува Давид Раја на Емирати.
Данска vs. Македонија: Како тие се справуваат со отпадот, додека ние се расправаме кој е крив?
Италијанскиот селектор, Џенаро Гатузо, потврди дека неговиот играч веќе го напуштил кампот на „азурите“.
„Калафиори го напушти тренинг кампот. Се обидовме со него, но имаше неколку проблеми. Му благодариме за посветеноста, беше со нас една недела. Можеби можеше да игра, но тоа не би било фер ни за него, ни за Арсенал“, изјави поранешниот тренер на сплитскиот Хајдук.
„Рино“ не откри многу, но неговиот колега Карло Анчелоти даде повеќе информации по пријателскиот меч меѓу Бразил и Сенегал.
„Дали е сериозно? Не знам. Станува збор за повреда на мускулот. Медицинскиот тим ќе го испита утре. Жал ни е за ова, многу сме разочарани. Кога играч ќе се повреди, се надевате на што побрзо закрепнување“, изјави поранешниот стратег на Реал Мадрид и Милан.
Арсенал е на врвот на табелата во Премиер лигата со 26 бодови од 11 натпревари. Само пет гола имаат примено, и тоа благодарение на дуото кое сега е повредено. Габриел и Калафиори започнаа секој досегашен натпревар, со идентично офанзивно учество – по еден гол и две асистенции.
Учество во игри на среќа е дозволено за лица со 18+ години. Играј одговорно!