Младинскиот тим на Пелистер доживеа убедлив пораз во полуфиналето од Фајнал-фор турнирот на Лигата на шампионите за млади, кој се одржува во Келн. Битолчани беа совладани од данскиот претставник ГОГ со високи 36-21, со што ги загубија шансите за пласман во големото финале.
Пелистерци отпатуваа во Германија со голем ентузијазам и надежи дека ќе ја изненадат европската ракометна јавност, но реалноста на теренот беше поинаква. Иако натпреварот започна изедначено, а македонскиот тим успешно парираше во првите десетина минути, ГОГ брзо наметна силно темпо и го презеде контролата врз играта.
Скопје троши вода како да има 1 милион жители! Каде е проблемот? ↓↓↓
До крајот на првото полувреме, данскиот тим веќе водеше со 17-12, а во вториот дел предноста само се зголемуваше. Пелистер немаше одговор на агресивната и организирана игра на противникот, кој безмилосно ја полнеше нивната мрежа.
Овој пораз од 15 голови разлика е разочарувачки за младите битолчани, но пред нив останува утеха – борбата за третото место.
Фото: Facebook/RK Eurofarm Pelister
Учество во игри на среќа е дозволено за лица со 18+ години. Играј одговорно!