Тенисерот кој го шокираше Ѓоковиќ во еден момент се изгубил: Еве што изјави прво по својата најголема победа!

Валентин Вашеро, моментално рангиран на 204-то место во светот, успеа да влезе во историјата како најслабо рангиран финалист на мастерс турнир.

Во полуфиналниот дуел, Вашеро направи сензација со тоа што го совлада Новак Ѓоковиќ со 6:3, 6:4, при што Ѓоковиќ играше повреден.

„Фактот дека го победив сè уште ми е нејасен, не можам да го искажам со зборови, навистина е лудо. Така е, лудо е вистинскиот збор. Прво, да играм против него е неверојатно искуство. Мислам дека многу можам да научам од овој меч, и од него, и од себе“, изјави 26-годишниот Вашеро и додаде:

„Малкумина посакуваа моја победа, бидејќи Новак овде е многу почитуван. Освои четири титули, ако не грешам – малку се изгубив кога ги набројуваа неговите титули при презентацијата пред натпреварот“.

Вашеро моментално се предвидува да стигне до 58 позиција, а доколку победи во неделното финале – против Медведев или Риндеркнеш – ќе влезе во топ 40 на светската листа за првпат.