Taткото на Халанд: Ла Лига е идеално место за мојот син

На Ерлинг Халанд одлично му оди во Борусија Дортмунд.

Во само девет натпревари Халанд постигна 12 голови и се покажа како вистински избор за Борусија Дортмунд.

„Немојте да се чудите, јас давам голови цел живот. Тоа го правев како дете, го правам и сега. Секогаш знаев дека ќе бидам добар фудбалер, но не очекував дека се ќе се случува вака брзо. Ми се допаѓа сето ова“, изјави Норвежанецот неодамна.

Уште сега се шпекулира дека нема долго да се задржи во Борусија Дортмунд. Наводно, Реал Мадрид е спремен да испрати понуда која Германците нема да ја одбијат. Сега таткото на Халанд за шпанските медиуми изјави дека Ла Лига би била вистински избор за него.

“Мојот син го поврзуваат со разни тимови, но знам дека Ла Лига би била вистинскиот избор за него. Имаат одлични тимови, но никогаш не се знае“, изјави Халанд постариот.