Tренерот на Барса: Ќе биде тешко, доаѓаме во домот на европскиот шампион

Македонскиот и европскиот шампион Вардар утре на домашен терен го игра дербито на колото во Лигата на шампионите, во Скопје гостува Барселона.

Пред овој натпревар стратегот на шпанскиот гигант, Чави Пасквал упати пофалби кон црвено-црните“.

„Доаѓаме во домот на тимот кој е европски шампион и знаеме дека нема да биде воопшто лесно. Пред нас сигурно е еден од најтешките натпревари во сезоната, иако сме на стартот. Веќе игравме против Вардар во Супер глоуб, победивме но не беше лесно. Натпреварите помеѓу Вардар и Барселона во последните години секогаш беа изедначени, така ќе биде и утре во Скопје“, истакна Пасквал.

Да потсетиме, натпреварот започнува утре во 17:30, а Вардар и Барселона се единствените два клуба кој сеуште немаат пораз во групата „А“.