Србинот е незапирлив: Уште едно признание за Никола Јокиќ (Фото)

Центарот на Денвер, Никола Јокиќ е прогласен за играч на месец ноември во Западната конференција.

Српскиот кошаркар доминираше во претходниот месец, а во тој период, Јокиќ забележа феноменални бројки и во просек имаше трипл-дабл – 28,9 поени, 12,4 скока и 10,9 асистенции по натпревар.

Шутот му беше исклучително ефикасен, шутираше 63,7% од игра, а и од линијата за три поени беше прецизен (45,3%).

Неговите Нагетси во претходниот месец имаа скор 14-5, а за тоа најголемите заслуги ги има тројниот МВП на најсилната лига на светот.

Никола Јокиќ оствари четири последователни трипл-даблови на почетокот од сезоната, со што го изедначи рекордот на легендарниот Оскар Робертсон за најмногу трипл-даблови во воведните натпревари на една НБА кампања.

𝑩𝑹𝑬𝑨𝑲𝑰𝑵𝑮: Nikola Jokic wins Western Conference Player of the Month 🥇

Jokic’s averages: 28.9 ppg, 12.4 rpg, 10.9 apg pic.twitter.com/xE8DGPNfpb

— DNVR Nuggets (@DNVR_Nuggets) December 2, 2025