Соработката меѓу Ѓоковиќ и Мареј уште не почнала, а веќе ѝ предвидуваат крај

Не престануваат приказните за соработката на Новак Ѓоковиќ и Енди Мареј, а некои сметаат дека нема да трае долго.

Поранешните големи ривали за првпат ќе ги видиме заедно во тим во Австралија Опен, додека Новак во Бризбејн ќе биде без тренер.

Легендарниот Џон Мекинро предвидува дека соработката ќе биде кратка, но ефективна.

„Среќен сум. Таа соработка ќе биде екстремно краткотрајна, но ќе донесе многу добро за тенисот поради интересот. Се надевам дека Новак ќе ја освои Австралија, бидејќи на Енди му се потребни некои позитивни вибрации“, изјави Мекинро.