Слот се огласи: Искрено зборуваше за Исак и пропаднатиот трансфер на Ливерпул во последните моменти од преодниот рок

Главниот тренер Арне Слот беше во добро расположение на прес-конференцијата пред натпреварот против Барнли и имаше добра причина за тоа.

Холандскиот стратег е задоволен што Александар Исак се врати во Англија од репрезентативната пауза и е подготвен за игра. Швеѓанецот подолго време немаше одиграно натпревар, што носеше ризик од повреда.

Токму поради тоа, Слот му изрази благодарност на селекторот на Шведска, Јон Дал Томасон:

„Селекторот на Шведска заслужува огромни комплименти. Имаа две важни средби и, иако Исак беше еден од најдобрите напаѓачи на располагање, Томасон мудро одлучи да го чува од оптоварување и го стави на клупа, со цел да избегне можноста за повреда која би го оставила надвор од терените неколку недели“.

“The Swedish manager Jon Dahl Tomasson deserves a big big big compliment” 👏

Arne Slot on if Alexander Isak is ready to make his Liverpool debut for Burnley, after playing with Sweden during the international break pic.twitter.com/XBlT795zjS

— Sky Sports News (@SkySportsNews) September 12, 2025

Слот зборуваше и за неуспешниот трансфер на Марк Гуеи во Ливерпул:

„Би било нелогично да негирам дека бевме блиску до негово ангажирање. Такви работи во фудбалот се случуваат, понекогаш и наши играчи мислеле дека се на пат да направат трансфер, но во последен момент нешто се менува. Сакавме да го ангажираме, направивме обид, но не успеавме“.