Слот призна: Имавме среќа, но и – најдобриот голман во светот!

Холанѓанецот беше многу искрен по победата на “Паркот на принцовите”.

Тренерот на фудбалерите на Ливерпул Арне Слот рече дека неговиот тим имал среќа против Пари Сен Жермен во минималната победа во осминафиналето на Лигата на шампионите.

Синоќа на “Паркот на принцовите” Пари Сен Жермен целосно доминираше против Ливерпул како ниеден друг тим сезонава. Играчите на Луис Енрике пропуштија многу шанси, имаа дури 27 удари кон голот на Алисон кој правеше чудеса со своите одбрани.

“Работев со многу одлични играчи во текот на мојата кариера, но во тимот никогаш не сум имал најдобар голман на светот, до сега. Покажа дека во моментов е најдобриот голман на светот и да заминеме одовде со победа е повеќе од она што го заслуживме”, изјави Слот и додаде:

“Бевме посреќни, тоа му е јасно на секој. Беа многу подобар тим, особено во првото полувреме каде имаа многу отворени шанси. Во второто полувреме останаа подобра екипа, имаа многу удари во рамката на голот, но главно надвор од казнениот простор. Видов колку квалитет има овој тим и нивната индивидуална сила. Сите тие удари имаа извесна брзина што се гледа само кај најдобрите играчи. Затоа Алисон и понатаму создаваше многу големи одбрани. Имавме среќа и што голот во првото полувреме беше поништен поради малиот офсајд.”

Todas as defesas do Alisson hoje contra o PSG.

Absurdo.

pic.twitter.com/vSWWNL9uOZ

— REAL MIL GRAU (@realmilgrauu) March 5, 2025