Слот останува тренер на Ливерпул, веќе отпиша четири ѕвезди и им порача да си одат

Како што пренесуваат англиските медиуми, ништо нема да биде од доаѓањето на Хаби Алонсо на клупата на Ливерпул на крајот на сезоната.

Арне Слот е човекот кој наводно ќе остане тренер на Ливерпул и следната сезона, а тој веќе отпишал четири ѕвезди и ги стави на трансфер листа пред преодниот рок кој доаѓа ова лето.

Со оглед на тоа што заминувањето на Мо Салах од Енфилд веќе е потврдено, Слот е во потрага по играч кој ќе го замени.

Меѓу играчите кои се поврзуваат со доаѓање на Енфилд се Микоел Олис, Бредли Баркола и Франциско Консеисао.

Минатото лето Ливерпул изгуби некои важни играчи како Трент Александер-Арнолд, потоа Луис Диаз и Дарвин Нуњез.

Секако, имаше и доаѓања, а на Енфилд пристигнаа некои големи имиња како Александар Исак, Хуго Екитике, Флориан Вирц, Џереми Фримпонг и Милош Керкез.

Само Хуго Екитике, од новите играчи, го оправда епитетот засилување во досегашниот дел од сезоната. Исак имаше проблеми со повреди, а Вирц не успеа да се вклопи во Премиер лигата.

И покрај тоа што минатото лето трошеа скоро 500 милиони евра на седум играчи, Редсите ќе трошат и следното лето.

Сепак, како што тврдат новинарите на Сан, четири играчи на Ливерпул веќе биле отпишани од Арне Слот.