Тренерот на фудбалерите на Ливерпул, Арне Слот, денеска говореше на прес-конференција пред натпреварот со Кристал Палас во Комјуинити Шилд, кој е закажан во недела.
Веќе традиционално, победниците на Премиер лигата и ФА купот се среќаваат во натпреварот за првиот трофеј во сезоната. Локацијата е „Вембли“ во недела од 16:00 часот. Ливерпул прилично се засили во текот на летото и не планираат да застанат тука. Александар Исак останува во плановите на раководството и сакаат да го затворат трансферот пред премиерната кампања во Премиер лигата која почнува следната недела, но нема да биде лесно, ниту евтино.
Кој е фаворит за трофејот во Првата лига!? | Overtime with TJ
Очекувани се и заминувања како Дарвин Нуњез, што сè уште не е официјализирано, како и веројатно Федерико Киеза и Харви Елиот. Прашање му беше поставено за потенцијалното доаѓање на нови засилувања во нападот.
“Задоволен сум со тимот кој го имаме. Но, како клуб, секогаш сагледуваме на пазарот. Тоа може да биде играч од средниот ред или некој во последната линија.”, рече Холанѓанецот.
За самиот Исак не сакаше да се изјасни.
“Како што ме познавате веќе, а мислам секој друг тренер, никогаш не зборуваме за играчи кои не се наши. Па така, можам да зборувам за Уго Екитике кој го донесовме неодамна и досега работи многу добро.”
Фото: Grok AI
Учество во игри на среќа е дозволено за лица со 18+ години. Играј одговорно!