Иран е дел од втората група во пресрет на жребот, заедно со уште 11 други репрезентации.
Иран одлучи да го бојкотира жребот за групите за Светското фудбалско првенство 2026 година, откако САД одби да издаде визи на неколку членови од нивната делегација, како што објави Иранската фудбалска федерација во петокот.
Од лозје до чаша: Уметноста на виното со Теодор Бојаџиев | Уште еден поткаст
Жребот за Светското првенство, кое следното лето ќе го организираат САД, Мексико и Канада, ќе се одржи на 5 декември во Вашингтон. Но, Иранците решија да не присуствуваат на церемонијата поради одлуката од страна на САД да не им издаде визи на дел од делегацијата.
“Ја информиравме ФИФА дека направените одлуки не се во врска со спортот и дека членовите на иранската делегација нема да учествуваат на жребот за Светското првенство,” објави портпаролот на Иранската фудбалска федерација на државната телевизија.
Локалните медиуми известуваат дека меѓу официјалните лица кои не добија визи се наоѓа и претседателот на Иранската фудбалска федерација Мехди Таж, како и извршниот директор на репрезентацијата Мехди Харати.
Иранската новинска агенција Тасним уште во октомври извести дека Американците одбиле визи за вкупно седум ирански службеници.
Учество во игри на среќа е дозволено за лица со 18+ години. Играј одговорно!