Синот на Буфон нема да игра за Италија: Избра друга репрезентација

Легендарниот италијански голман Џанлуиџи Бофон ја заврши кариерата пред две години, но на фудбалските терени и во иднина ќе гледаме уште еден Буфон.

Синот на Џанлуиџи, Луис Томас Буфон, има 17 години и се развива во професионален фудбалер, но интересно е дека тој нема да го следи патот на татко му кога станува збор за репрезентацијата.

Имено, Луис Буфон доби покана во репрезентацијата на Чешка, а не на Италија, што изненади многу фанови, но причината е сосема очигледна.

✅ Louis Buffon (17) byl povolán do české reprezentace. Syn italské legendy a české modelky Aleny Šeredové není brankář.

“Maminka je hrdá Češka a je ráда, že Louis dostane tuto příležitost. Názor Gianluigiho Buffona neznáme.” 🇨🇿 #prestupy https://t.co/UbAyxfZehX

— Fotbalové přestupy (@infotbal) February 18, 2025

Луис Буфон има чешко државјанство бидејќи неговата мајка, а бившата сопруга на Џиџи, е Чехинка, Алена Шередова. Џиџи доби син од Шередова во 2007 година, а беа во брак од 2011 до 2014, кога се разведоа. Денес легендарниот голман е во брак со Иларија Д’Амико, италијанска ТВ водителка.

Сега е очигледно дека Луис е многу поблиску до репрезентацијата на земјата од која потекнува неговата мајка и доби повик за кадетската селекција, додека на клупско ниво настапува за италијанскиот клуб Пиза, каде игра во младинскиот тим (две години постара конкуренција).

Оваа сезона Луис Буфон има 18 настапи во дресот на Пиза во Примавера, а постигна четири голови.

Чешките медиуми пишуваат дека Луис ја прифатил поканата на нивната репрезентација и ќе се појави на собирот за мартовскиот турнир во Португалија, каде што Чесите ќе се сретнат со Англија, Франција и домашната репрезентација.