Синер за првпат искрено зборуваше: Откри зошто е непобедлив кога се игра во сала

Јаник Синер го брани својот трофеј на завршниот Мастерс во Торино, на истото место каде што го имаше последниот пораз во сала пред две години во финалето против Новак Ѓоковиќ.

Од тогаш, Италијанецот бележи значаен успех кога игра во сала. Освои 28 натпревари последователно и две Дејвис куп титули, по една во Торино, Ротердам, Виена и Париз.

– Не сум играл многу на вакви услови кога бев мал, но брзо се прилагодувам затоа што одговараат на мојот стил на тенис – објаснува младиот Италијанец.

Интересна е разликата помеѓу него и Карлос Алкараз, која може да важи и за Рафаел Надал. Синер е роден во планински регион каде тенисот честопати се игра внатре, наспроти шпанските тенисери кои се родени на Медитеранот и најчесто тренираат на отворено. Синер е најуспешен во сала, додека Шпанците се послаби. Многумина тоа го сметаат за причина зошто и Алкараз и Надал постигнуваат помалку успеси во овие услови, а дури и Карлос неодамна се согласи.

– Многу побрзо го наоѓам ритамот на тренинзите во внатрешни услови – вели Синер. – Нема ветар, нема сонце, кога силно удирате топката, многу е потешко да се промени ритамот отколку надвор. Тоа е клучно за мојата игра и овие услови ми помагаат многу.

Вчера вечерта го надигра Александер Зверев со 6:4, 6:3, петти пат по ред. Германецот ја дели судбината на Новак Ѓоковиќ и Данил Медведев против кои Синер првично постигнуваше порази, но сега има долга серија победи. Во овие успеси тој нагласува дека тајната е во неговата извонредна концентрација.

84.6 – The highest of any currently active player, Jannik Sinner (84.6%, 11-2) only trails Ilie Nastase (88.0%, 22-3) for win rate at the ATP Finals, since the event’s inauguration in 1970 – minimum 10 matches.#NittoATPFinals | @atptour @ATPMediaInfo pic.twitter.com/Vr94ZPKA2G

— OptaAce (@OptaAce) November 10, 2025