Новак Ѓоковиќ го предаде полуфиналето на Австралија Опен откако го загуби првиот сет со 6-7 од Александар Зверев. Рекордерот со десеткратна победа на првиот Гренд Слам од сезоната, кој исто така има рекорд по бројот на освоени најголеми турнири (24), ова го направи поради повреда.
Да потсетиме, Ѓоковиќ и во четвртфиналето против Карлос Алкараз во првиот сет побара медицински тајм-аут поради проблеми со препоните. И тогаш тоа го направи кога противникот водеше, па многумина, меѓу нив и Џон Мекинро, го обвинија дека тоа го направил за да го разори ритамот на противникот.
Никогаш не мислев дека ќе зборам за мојата состојба на поткаст! ↓↓↓
Ѓоковиќ по предавањето на Зверев прво ја поздрави публиката заминувајќи од теренот, а кога слушна многу свирежи, застана и саркастично покажа палец нагоре. Зверев потоа го бранеше Ѓоковиќ во победничкиот говор на теренот и во објавата на социјалните мрежи. Нему му се придружи и познатиот тениски новинар Hосе Морон.
„Добро е за сите Новак да продолжи да игра тенис. Зборуваме за личност која засекогаш ќе остане запаметена. За 200 години, ако има нешто останато од човештвото, ќе се зборува за некој Ѓоковиќ, кој станал најдобар во историјата и со своите 37 години победувал момчиња 16-17 години помлади. Можеби ќе биде тогаш кога ќе се препознаат и ќе се вреднуваат неговите сегашни постапки. Неправедно е низ што поминува, без сомнение“, напиша новинарот.
Учество во игри на среќа е дозволено за лица со 18+ години. Играј одговорно!