Дома Фудбал Шпански медиуми: Меси го повика Модриќ да му се придружи во Мајами

Шпански медиуми: Меси го повика Модриќ да му се придружи во Мајами

ЛИОНЕЛ МЕСИ (37) има голема желба – ЛУКА МОДРИЌ (39). Шпанските медиуми пишуваат дека аргентинскиот фудбалер го повикал хрватскиот фудбалер да му се придружи во Интер Мајами.

Клубот, кој е делумно во сопственост на Дејвид Бекам, последните години покажува интерес за Модриќ, но тој последните лета го продолжуваше договорот со Реал за по една сезона.

Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст


Но, Шпанците наведуваат дека тешко ќе биде исто и ова лето. Тие истакнуваат дека Реал после раното испаѓање од Лигата на шампионите и заостанувањето зад Барселона во Ла Лига започнува со генерален ремонт и дека сè повеќе изгледа дека во склад со тоа ќе се зблагодарат на Модриќ. Тој е капитен, легенда на клубот и негов најтрофеен играч, но изгледа дека по 13 години во Мадрид е блиску до заминување. Договорот му завршува на 30 јуни, а Реал сеуште не му понудил продолжување.

Модриќ без разлика на зрелите години не сака да се пензионира бидејќи целта му е да игра за Хрватска на Светското првенство наредната година. Тоа ќе се одржи во САД, а токму од таму е клубот што го посакува него. Интер Мајами го предводи Меси, а во тимот има уште неколку ветерански легенди на Барселона – Луис Суарез, Серхио Бускетс и Жорди Алба.

Интер Мајами минатата регуларна сезона во МЛС заврши како тим со најмногу бодови, но потоа во плеј-офот испадна во првиот круг од Атланта. Новата сезона ја отвори со пет победи и три нерешени натпревари. Интер Мајами ќе настапи на клупското СП ова лето.

Коментари
Прочитајте поврзани статии
Load More In Фудбал

Проверете

Официјално: Ал Наср доби големо засилување!

Досегашниот играч на Баерн Минхен, Кингсли Коман, е новото засилување на Ал Наср, објави к…