Фреди Гуарин, поранешен играч на средниот ред, се потсети на најтешките моменти од својот живот, признавајќи дека се свртел кон алкохолот за да се справи со раздвојувањето од својата поранешна сопруга и отуѓеноста од децата.
„Бев во лоша ситуација поради семејните проблеми. Се разведував од поранешната сопруга, живеев во друг дом и бев далеку од децата. Тоа не можев да го прифатам. Алкохолот беше обид за соочување со мојата нелагодност, прибежиште во кое можев да се сокријам“, потсети се во интервјуто за ‘Corriere della Sera’.
Воздухот што нè убива: Зошто Скопје е меѓу најзагадените градови?
Фреди Гуарин ја напушти Италија за да замине во Кина и да игра за Shanghai Shenhua, но ситуацијата „се влоши“:
“Мојата зависност се влоши. Бев во нова земја. Бев сам со својот проблем. Пиев, тренирав, играв. Фудбалот беше мојот терапевт во тие години. Тоа беше единствената работа што ме тераше да ги исполнувам своите обврски и одговорности.”
По три години во Кина, поранешниот играч на Порто се пресели во Бразил, а потоа се врати во родната Колумбија за да игра за Милионариос, каде што повторно стана зависен. Дури се обиде и со самоубиство.
„Кога отидов во Бразил, се појави Ковид-19. Во тој момент исчезна и единственото нешто што уште ме спасуваше: фудбалот. Со пандемијата застана целиот свет, вклучително и фудбалот. И бев оставен без ништо на што да се потпрам, уште повеќе сам со себеси. Во 2021 година стигнав во Милионариос. Престанав да пијам, но по неколку месеци повторно почнав. Тоа беше крајот. Престанав да играм фудбал. Почнаа три години самоуништување. Пиев и тоа беше тоа, без реакција.“
„Размислував за самоубиство. И се обидов да си го одземам животот три пати. Бог ме спасил“, рече Гуарин.
Учество во игри на среќа е дозволено за лица со 18+ години. Играј одговорно!