Шекил: Ембид повеќе не е врвен центар, Јокиќ е далеку пред него

Новата сезона во НБА лигата започна, а со тоа се врати и центарот на Филаделфија на теренот по осум месеци пауза.

Филаделфија како гостин загуби од Бостон Селтикс со 117:116, а Ембид одигра слабо, постигнувајќи само 4 поени (1/9 од игра) со шест скока и две асистенции.

И овојпат се најде на удар од легендарниот Шек.

„Ембид веќе не е врвен центар, мек е… Сега е надвор од таа листа. Веќе не е блиску до нивото на Никола Јокиќ. Пред три години беа рамо до рамо, Јокиќ сега е далеку пред него“, рече Шекил О’Нил.