Техничкиот директор на Лион Матијо Лиу-Жан се пофали со поволната структура на заемот, со кој клубот го доведе напаѓачот Ендрик од Реал Мадрид до крајот на сезоната.
Тој исто така раскажа како “дечињата” постапиле за да го осигураат доведувањето на младиот Бразилец, кој постигна пет гола и направи една асистенција во првите пет натпревари за тимот пред да добие црвен картон во победата со 1:0 над Нант.
До кога ќе дишеме отровен воздух!? | Уште еден поткаст
“Структурата на договорот е таква што колку повеќе игра, толку помалку плаќаме. Оваа практика станува се почеста и од неа добиваат сите страни. За моментот договорот за Ендрик е дека тој ќе остане кај нас само до крајот на сезоната. Во секој случај, тоа е договорот што го разгледавме со Реал Мадрид. Нема сомнежи или нејасности во овој поглед. Што се однесува до пристигнувањето на Ендрик, размислувавме за тоа веќе по затворањето на летниот трансфер период. Знаевме дека имаме вистинска потреба од зајакнување на оваа позиција, па си дадовме можност да го доведеме во јануари. Имаше неколку играчи кои потенцијално беа на пазарот, а Ендрик беше еден од нив. Затоа воспоставивме контакт многу брзо“.
Учество во игри на среќа е дозволено за лица со 18+ години. Играј одговорно!