Се подготвува сензационален трансфер на Левандовски уште оваа зима?

Полскиот напаѓач Роберт Левандовски (37), изјави дека не се брза да го продолжи договорот со Барселона, кој истекува во јуни 2026 година.

Оваа изјава предизвика големи шпекулации за неговата иднина. Според извештаите од шпанските медиуми, два клуба се истакнуваат како можни нови дестинации – турскиот Фенербахче и италијанскиот Милан.

Според информации од новинарот Сержан Хамзаоглу, турскиот фудбалски гигант, за сега не директно, покажува интерес за условите под кои Левандовски би можел да го пресели својот талент во Истанбул. Наводно, тие размислуваат за продажба на Јусеф Ен-Несири, кој има желба за трансфер во Саудиска Арабија, што би ослободило простор и финансии за ново засилување.

Извори блиски до клубот наведуваат дека Фенербахче може да понуди договор на период од година и пол, со почеток уште од јануари и траење до јуни 2027 година. Сепак, формални чекори се уште не се преземени, со цел да не се наруши хармонијата и стабилноста во тимот кој 28 пати бил шампион на Турција.