Стив Манданда, кој има 40 години и е поранешен голман на Франција и освојувач на Светското првенство во 2018 година, соопшти дека се повлекува од фудбалот.
Неговиот договор со Рен заврши на крајот од минатата сезона, а сега потврди дека е време да стави крај на својата долга и успешна кариера.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
“Ми требаше подолго време да го прифатам, бидејќи не е лесно, да, престанувам”, изјави Манданда, истакнувајќи дека имал повеќе понуди, но ги одбил сите.
Манданда е роден во Киншаса, но пораснал во Франција.
Професионалната кариера ја започна во Хавр, а потоа стекна репутација во Марсеј, каде што помина дури 14 сезони и освои шест трофеи, вклучувајќи ја титулата француски шампион во 2010 година, под водството на Дидие Дешан.
Кратко време беше дел од Кристал Палас во сезоната 2016/17, но брзо се врати во Марсеј, пред последната година да ја помине во дресот на Рен.
За француската репрезентација дебитираше уште во 2008 година и одигра вкупно 35 натпревари.
Долги години беше резерва на Уго Лорис, но и дел од тимот што го освои Мундијалот во 2018 година во Русија, а стигна и до финалето на Еуро 2016 и Светското првенство во Катар 2022 година.
Учество во игри на среќа е дозволено за лица со 18+ години. Играј одговорно!