Се огласи Слот за иднината на Ван Дајк и беше искрен

Тренерот на Ливерпул, Арне Слот, се осврна на изјавата на капитенот Вирџил ван Дајк дека не е сигурен дали ќе го продолжи договорот.

Холандскиот стопер по испаѓањето од Лигата на шампионите од Пари Сен Жермен изјави дека сè уште нема никакви придвижувања во преговорите за продолжување на соработката, што дополнително поттикна шпекулации за неговиот идниот престој во клубот.

Слот истакна дека сака Ван Дајк да остане во тимот и наредната сезона, но додаде:

“Не знам што ќе се случува следната сезона во поглед на резултатите, но знам дека сакам Вирџил да биде тука и следната сезона. Сите други работи, особено разговорите за договорот, не се нешто што јас го работам”, изјави Слот.

Од претходно се споменува и заминување на Мохамед Салах и Трент Александар-Арнолд, бидејќи нивните договори истекуваат на крајот на сезоната.