Се ближи ли крајот: Австралијан опен ќе биде последниот голем турнир на Ѓоковиќ!?

На сите им е јасно дека крајот на кариерата на Новак Ѓоковиќ се ближи, но никој со сигурност не знае кога тоа ќе се случи.

Постојат различни мислења и информации, но она што е вистина е дека Ѓоковиќ со 38 години успеа оваа сезона да стигне до полуфиналето на сите четири грен слем турнири.

Сепак, таму го запреа најдобрите во моментот – Јаник Синер и Карлос Алкарас, па прашање е дали Новак ќе може на најголемите турнири да ги победи, всушност, дали ќе има сили за тоа.

Рене Стебс, поранешна тенисерка во двојки и тренер на Серена Вилијамс во еден момент, има свое видување каде и кога Ѓоковиќ ќе ја заврши кариерата:

„Имам чувство дека Австралијан опен ќе биде неговиот последен голем турнир на кој ќе игра. Не верувам дека сака да продолжи да игра по тоа и да оди на Ролан Гарос. Тој е толку добар на секоја подлога, но не гледам дека може да ги добива тие момци во пет сета на шљака и да оди потоа на Вимблдон“, рече Стебс.