Роналдо и Ал Наср повторно менуваат тренер

Кристиано Роналдо остана без тренер, откако Ал-Наср на своите социјални мрежи објави дека се раздели со Стефано Пиоли.

„Пиоли и неговите соработници повеќе не се во тренерскиот штаб на првиот тим“, се вели во соопштението на Ал Наср.

Италијанските медиуми шпекулираат дека Пиоли ќе се врати во Италија и ќе ја преземе Фиорентина.

Поранешниот тренер на Милан, Фиорентина, Интер, Лацио, Болоња, Верона, Сасуоло, Парма и други, седна на клупата на клубот од Саудиска Арабија во септември минатата година, но сепак не успеа да ги оствари клупските амбиции, да дојде барем до еден трофеј во сезоната.