Рома и Наполи претставија две големи засилувања, платени се над 50 милиони евра

Летниот трансфер период е во полн елек. Последните најинтересни трансфери се завршени во Италија, а се засилија шампионот Наполи и Рома.

Наполи го потврди доаѓањето на 26-годишниот холандски стопер, Сам Беукеме. Договорот со тимот од југот на Италија го потпиша до 2030 година, а Наполи го плати на Болоња 31 милион евра.

Тој во Италија инаку пристигна од АЗ Алкмар во летото 2023 година кога Болоња го плати 14,2 милиони евра, и така повеќе од двојно профитираше.

Со Болоња го освои Купот на Италија, што му е единствениот трофеј во кариерата, а да спомнеме дека во родната земја играше и за Го Ајд Иглс.

Фудбалерот за врска, Нил Ел Ајнауи е засилување за Рома. По потреба може да игра и на други позиции.

За неговите услуги беа заинтересирани многу тимови, и така се спомнуваше со Палас, Евертон, Сандерленд, Астон Вила, но и други италијански тимови како Јувентус, Милан и Лацио.

Станува збор за 25-годишен марокански фудбалер кој со Рома потпиша договор до летото 2030 година.

Фото: Grok AI