Најочекуваниот натпревар оваа година – финалето на мастерсот во Рим помеѓу Карлос Алкарас и Јаник Синер – и понатаму ја привлекува вниманието на тенискиот свет. Неизвесниот прв сет, потоа уверлива победа на Шпанецот во вториот сет многумина ја припишуваат и на фактот што за најдобриот тенисер во светот овој беше прв турнир по завршувањето на тримесечната суспензија.
Од друга страна, ова беше четврта последователна победа на Алкарас против Синер, не изгуби од него речиси година и половина, уште од полуфиналето на Кинескиот опен во Пекинг, во октомври 2023 година. Значи, долга пауза не е единствениот причинител.
Како започна приказната со Goblin Games - од гаража до бренд! ↓↓↓
Енди Родик, поранешниот број 1, токму тој детал го коментира во интервју за „Тенис Ченел“:
– Карлос има една предност против Јаник која другите тенисери ја немаат – истакнува Американецот. – Неговата широка палета на удари го прави непредвидлив за противниците, а тоа е она што на Синер не му одговара. Ако тој знае што ќе играте против него, ќе ве победи. Но, ако не знае, тогаш имате добра шанса, а токму тој квалитет го поседува Алкарас.
Фотографија: Принтскрин
Учество во игри на среќа е дозволено за лица со 18+ години. Играј одговорно!