Ристовски се огласи поради црвениот картон: Се извинувам

Иако поведе два пати, Динамо во дербито од 24. коло на СуперСпорт ХНЛ не успеа да го победи Хајдук. Заврши 2:2, а еден од клучните моменти на натпреварот беше исклучувањето на Стефан Ристовски при водството на Динамо од 2:1.

Македонецот во 55. и 62. минута заработи жолти картони поради прекршок, а Хајдук ја искористи бројната предност за да нападне и дојде до нерешен резултат. Ристовски се извини за неговиот потег по натпреварот.

“Преку овој пат сакам да се извинам на соиграчите и навивачите што заработив исклучување во вака важен натпревар. Секогаш давам сè од себе и секој дуел доаѓа од желба да помогнам на тимот.

Денес, за жал, тоа резултираше со исклучување, со што ја отежнав задачата на моите соиграчи. Можам само да се извинам и да ветам дека нема да се предадеме. Додека постои и најмалата шанса за одбрана на титулата, нема да се откажеме”, напиша Ристовски на Инстаграм и додаде “#изнадсвих Динамо”.