Ристевски: Ова е најголемото дерби во македонскиот фудбал – ќе се бориме со сите сили за три бода!

Викендот кој е пред нас во рамките од 25. коло во ПМФЛ ќе се одигра и големото дерби помеѓу Пелистер и Вардар.

Пред дербито кое се игра в сабота од 15:00 часот за клупскиот сајт своите очекувања искажа фудбалерот на битолскиот клуб, Александар Ристевски.

„Се игра најголемото дерби во македонскиот фудбал. Горд сум што го носам дресот на Пелистер, ќе се бориме со сите  сили за да ги освоиме бодовите. Мотивацијата во тимот е на највисоко ниво. Имаме многу респект за Вардар како колектив. Сепак, ние сакаме да одиграме за себе, за клубот и градот кој секогаш ни дава огромна поддршка. Се надевам дека епилогот ќе биде позитивен за нас“, изјави Ристевски.