Реал тргнува во „лов“ на Халанд

Флорентино Перез спрема нова трансфер „бомба“ за следното лето, а тоа е Ерлинг Халанд.

Шпанските медиуми пренесуваат дека главна цел на „кралевите“ ќе биде ѕвездата на Манчестер Сити, Ерлинг Халанд.

Халанд е еден од најдобрите напаѓачи во светот и поради тоа „кралевите“ сакаат да го купат следното лето, иако веќе го ангажираа Килијан Мбапе.

Норвежанецот наводно е подготвен за такво сценарио, но Реал Мадрид ќе треба да плати 200 милиони евра за неговиот потпис.

Халанд оваа сезона не е на своето препознатливо ниво и се уште нема потпишано нов договор. Сити е во криза и е далеку од Топ 4, па Норвежанецот сериозно размислува да ја промени средината на лето.