Хесус Ваљехо повеќе не е играч на Реал, објави клубот. “Му благодариме на Хесус за неговиот професионализам, посветеност и труд. Му посакуваме нему и на неговото семејство сѐ најдобро во ова ново животно поглавје”, напиша Реал во прошталната порака до стоперот кој пред десет години дојде во клубот, но од тогаш одигра само 34 натпревари за Реал.
Половина од ова време го помина на позајмици во Сарагоса, Ајнтрахт, Вулверхемптон и Гранада. Во останатите пет сезони во Реал освои по една Ла Лига и Копа дел Реј, по две Лиги на шампиони и Суперкупови на Шпанија, три европски Суперкупови и четири клупски светски првенства.
Goblin Games - Индустријата за Board Games е во огромен подем! ↓↓↓
Ваљехо на тој начин со Реал освои сѐ, но неговиот придонес кон тие трофеи е занемарлив. За тоа колку во клубот веруваат во него говори колку беше користен во текот на неодамна завршената сезона. Иако Реал имаше огромни проблеми со повредите, и тоа најмногу на дефанзивците, Ваљехо одигра само четири натпревари, од кои три на крајот на сезоната кога Реал веќе беше исфрлен од борбата за трофеите.
Фото: Принтскрин
Учество во игри на среќа е дозволено за лица со 18+ години. Играј одговорно!