Рамос не размислува за пензија, се сели во Мексико

Легендарниот дефанзивец Серхио Рамос е на чекор од трансфер во Мексико.

Рамос на 38 години реши да замине за Мексико, каде што доби покана од екипата на Монтереј. Како што пренесува „Мундо Депортиво“, преговорите меѓу двете страни се во тек и доколку ги мине лекарските прегледи ќе биде промовиран како нов играч на мексиканскиот клуб.

Овој клуб моментално го зазема 13-тото место во мексиканската Клаусура со три бода по три одиграни натпревари.