Рабио го отпиша Јувентус за Скудетото и упати предупредување до ѕвездата на Милан

Адриен Рабио изрази надеж дека со “росонерите” ќе успее да ја освои својата втора титула во Серија “А”, додека истовремено го отпиша својот поранешен тим Јувентус за Скудетото оваа сезона.

„Како обично, има толку многу претенденти за Скудетото. Да се види Рома толку високо на табелата е мало изненадување. Наполи останува најсилниот тим. Интер е италијанскиот тим што досега најдобро се справува во Европа и, за разлика од нас, тие имаат предност затоа што играат заедно долго време. Кај нас не е сигурно дека веднаш ќе ја најдеме вистинската динамика. Во Јувентус имаат квалитети, но тие се помали од тие на Наполи или Интер. Сѐ уште им недостасува потребната хемија за да го освојат Скудетото, така што ќе се борат за место во Лигата на шампиони“.

Францускиот репрезентативец исто така го предупреди еден од ѕвездите на Милан – Рафаел Леао, дека повеќе нема многу време за да го открие својот целосен потенцијал. „Знам дека луѓето многу говорат за него. Тој е играч со голем потенцијал, но на 26 години веќе не си млад. На неговата возраст веќе нема време за губење, бидејќи времето брзо лета. Би било жално ако само остане со потенцијалот за голем фудбалер. Се надевам дека ќе сфати дека има сѐ што е потребно за да биде меѓу најдобрите“.