Во Барселона се спроведени некои структурни промени, објавија од клубот. Претседателот Жоан Лапорта и бордот на директори вршат промени, откако во последните месеци неколку лица неочекувано ги напуштија своите позиции.
Каталонците информирале преку внатрешна порака до своите вработени дека корељативниот директор Манел дел Рио сега ќе ја преземе позицијата генерален директор на клубот. Дел Рио, кој претходно беше и финансиски директор, е дел од управувачката структура на клубот во последните неколку години, собирајќи искуство на различни позиции за сега да ја преземе една од најважните улоги и да биде директно потчинет на Лапорта.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Габриел Мартинес ќе биде новиот директор за комуникации, заменувајќи го на функцијата Алекс Сантос, кој неодамна си замина, согласувајќи се да се повлече од својата позиција во обострана согласност со клубот. Сега Мартинес ќе ги води сите односи со медиумите и исто така ќе биде директно потчинет на претседателот на клубот.
Под директно раководство на Лапорта остануваат одделите како фудбалскиот, јавните комуникации и фондацијата „Барса“, додека останатите структури ќе бидат управувани од бордот на директори.
Учество во игри на среќа е дозволено за лица со 18+ години. Играј одговорно!