Манчестер Сити веќе почна со детални подготовки за следната сезона, а во плановите на Пеп Гвардиола посебно место зазема реконструкцијата на одбранбената линија.
Според пишувањето на угледниот „Тајмс“, еден од главните цели на Манчестер Сити е дефанзивецот на Кристал Палас – Марк Гуехи, кој веќе некое време е под будното око на скаути од најголемите клубови.
До кога ќе дишеме отровен воздух!? | Уште еден поткаст
Дваесет и петгодишниот англиски репрезентативец е означен како играч кој би можел да преземе лидерска улога во одбраната на Манчестер Сити во годините што доаѓаат.
Гвардиола, наводно, е исклучително импресиониран од зрелоста на Гуехи, неговата смиреност во играта и способноста да започне напади од последната линија.
Сити сака да ја освежи задната линија по сезоната во која повредите и осцилациите во формата ја покажаа потребата за дополнителни решенија во одбраната.
Во овој контекст, Гуехи не се смета за привремено засилување, туку како долгорочна инвестиција и важен столб на идниот тим.
Посебна тежина на овој интерес дава фактот дека се работи за играч кој веќе се докажа во Премиер лигата.
Учество во игри на среќа е дозволено за лица со 18+ години. Играј одговорно!